Frábært veður í Bláfjöllum

Veðrið leikur við okkur í Kópaþrekinu.  Hægur vindur, smáskúrir og sólin sýnir sig á milli.  Annað en í fyrra þegar rigndi eins og hellt væri úr fötu og skálinn lék á reiðiskjálfi í mestu hviðunum.

Nú kemur enginn blautur inn og skilyrðin hér í Bláfjöllum eins og best verður á kosið !

 

 

60 krakkar mættir

Það eru rúmlega 60 skíðakrakkar sem eru mættir í Breiðabliksskálann í Bláfjöllum frá 10 skíðafélögum alls staðar af landinu.  Byrjað var á léttri upphitun með hlaupaæfingu fyrir átök laugardagsins.  Krakkarnir skemmtu sér vel á kvöldvöku og Ingó í Veðurguðunum heillaði að sjálfsögðu mannskapinn eins og honum er einum lagið.

 

Sjáumst!

Það er glæsilegur hópur sem skráður er til leiks í Kópaþreki í ár. Við hlökkum til að sjá ykkur og minnum á upplýsingar hér að neðan um útbúnað o.fl. Síminn í skálanum er 561-7750 og hægt er að hafa samband við Axel Kvaran í s. 847-0901 ef eitthvað er.

Á þessari síðu verða svo birtar fréttir og myndir þannig að fjölskylda og vinir geta fylgst með.

Með bestu kveðju

Kópaþreksnefnd

Skráningarfrestur framlengdur

Ákveðið hefur verið að framlengja skráningarfrestinn til kl. 12 á hádegi miðvikudaginn 16. september þannig að enn er hægt að bætast í hópinn.  

Það verður bara gaman, skemmtilegar æfingar, skíðakrakkar alls staðar af landinu, Ingó Veðurguð mætir, óvissuferð og ýmislegt fleira.

Hlökkum til að sjá sem flesta

Kópaþreksnefnd

Síðasti skráningar- og greiðsludagur 14. september

Þeir sem eiga eftir að skrá sig á Kópaþrek 18.-20. september eru beðnir um að gera það sem allra- allra fyrst til að auðvelda okkur undirbúninginn. Síðasti skráningar- og greiðsludagur er 14. september. Skráningu skal senda á netfangið [e-mail]

Þátttökugjaldið er 15.000.- fyrir skíðakrakka af höfuðborgasvæðinu og 18.000.- fyrir þá sem koma utan af landi, þ.e frá Ísafirði - Akureyri - Egilsstöðum.

Greiða skal þátttökugjaldið á reikn. 0130-05-112373, kt. 550483-0259.

Mikilvægt er að setja nafn barns í tilvísun.

Brottfarartímar frá Akureyri/Ísafirði/Egilsstöðum

Rúta (SBA) fer frá sundlauginni á Akureyri kl. 12 á hádegi á föstudeginum 18. september. Rútan stoppar í Varmahlíð fyrir krakka frá Sauðárkróki og Siglufirði og fer þaðan kl. 13.  Rútan fer svo úr Bláfjöllum á sunnudeginum kl. 14:15.

Brottför frá Ísafirði á föstudeginum er með flugi NY-023 kl. 14:35. Flogið verður frá Reykjavík á sunnudeginum með flugi NY-026 kl. 17:00 (lending 17:40).

Brottför frá Egilsstöðum á föstudeginum er með flugi NY-333 kl. 12:25. Flogið verður frá Reykjavík á sunnudeginum með flugi NY-336 kl. 15:30 (lending 16:30).  

Dagskrá Kópaþreks 2009

Föstudagur 18. september

18.00        Mæting í skíðaskála Breiðabliks, Bláfjöllum.

19.00        Létt hlaupaæfing.

20.00        Kvöldmatur.

21.00        Kvöldgleði með góðum gesti.

23.30        Háttatími. 

Laugardagur 19. september 

07.45                Ræs og morgunmatur.

09.15 – 11.30     Hlaup og stöðvaræfingar.

11.30 – 12.30     Hádegismatur og hvíld.

13.30 – 15.30     Þrekpróf - tímamæling, 3000m/1500m hlaup, langstökk     án atrennu, kassahopp

16.00 – 16.30     Sturta og hrein föt.

17.30 – 22.00     Óvissuferð. Matur.

22.00 – 24.00     Samvera í skíðaskála.

24.00                Háttatími. 

Sunnudagur 20. september 

09.00                Ræs og morgunmatur.

10.00 – 13.00     Stöðvaræfingar í fjalli (þrek).

13.30                Hádegismatur.

14.00                Verðlaunaafhending og myndataka.

14.15                Kópaþreki slitið. Farið í bæinn.  

Við áskiljum okkur rétt til að breyta dagskrá ef þörf þykir. 

Skíðadeild Breiðabliks

Útbúnaðarlisti

Mikilvægt er að þátttakendur séu vel útbúnir og hafi eftirtalið meðferðis: 

• Svefnpoki og náttföt
• Útigalli
• Góðir skór (úti)
• Íþróttaskór (fyrir hlaup og æfingar)
• Íþróttagalli
• Handklæði
• Snyrtidót
• Húfa og vettlingar
• Góða skapið

Skráning í gangi ... Ingó Veðurguð mætir

 

Við hjá Skíðadeild Breiðabliks minnum á að skráning stendur yfir á hið árlega Kópaþrek sem haldið verður fyrir unglinga 13-16 ára (alpagreinar og skíðaganga) helgina 18.-20. september nk. í Bláfjöllum. Ingó Veðurguð er búinn að boða komu sína þannig að það verður bara gaman ...

Skráning er hjá Gísla Gíslasyni á netfanginu: [e-mail]. Gefa þarf upp nafn barns, kennitölu, heimilisfang og félag. Auk þess þarf að gefa upp nafn og símanúmer foreldra. 

Þátttökugjaldið er 15.000 krónur og í gjaldinu er allt innifalið, s.s. gisting, fullt fæði, fræðsla og óvissuferð. Með ferðum frá Ísafirði/Akureyri/Egilsstöðum er gjaldið 18.000 kr.

Þátttökugjaldið skal greiða inn á reikning skíðadeildar Breiðabliks: 0130-05-112373, kt. 550483-0259. Mikilvægt er að setja nafn barns í tilvísun.

Síðasti dagur skráningar og greiðslu er 14. september.

Við hvetjum alla til að skrá sig og greiða þátttökugjald sem allra - allra fyrst og í síðasta lagi 14. september nk.

Með bestu kveðju,

Kópaþreksnefnd

 

Kópaþrek verður haldið 18.-20. september 2009

Skíðadeild Breiðabliks hefur haldið Kópaþrek á hverju hausti frá árinu 2004. Kópaþrek eru æfingabúðir fyrir ungmenni sem æfa skíði á aldrinum 13-16 ára (alpagreinum og skíðagöngu) og er haldið í skíðaskála deildarinnar í Bláfjöllum og á íþróttasvæði Breiðabliks, Smáranum.

 

Helstu markmið Kópaþreks eru þessi:

- styrkja félagsleg tengsl unglinga í aldurshópnum 13-16 ára

- minnka brottfall þessa aldurshóps í skíðaíþróttinni

- vinna við og sigrast á þrautum sem byggja á samvinnu og hópastarfi

- sýna fram á sannanlegan árangur af æfingum milli ára með þrekprófi.

 

Næsta Kópaþrek verður haldið helgina 18.-20. september nk. þar sem margt verður um að vera að venju, æfingar, fræðsla og skemmtun. Skíðafélögum er velkomið að senda fararstjóra með þátttakendum sínum.

 

Þátttökugjaldið er 15.000 krónur og í gjaldinu er allt innifalið, s.s. gisting, fullt fæði, fræðsla og óvissuferð. Með ferðum frá Ísafirði/Akureyri/Egilsstöðum er gjaldið 18.000 kr.

Þátttökugjaldið skal greiða inn á reikning skíðadeildar Breiðabliks: 0130-05-112373, kt. 550483-0259. Mikilvægt er að nafn barns komi fram í tilvísun.

 

Við hvetjum alla til að skrá sig sem fyrst og í síðasta lagi 14. september nk., hjá Gísla Gíslasyni á netfanginu: [e-mail]. Gefa þarf upp nafn barns, kennitölu, heimilisfang og félag. Auk þess þarf að gefa upp nafn og símanúmer foreldra.

 

Með bestu kveðju

Kópaþreksnefnd